Groningen

Van Lauwerszee tot Dollard tou,
van Drenthe tot aan 't Wad,
doar gruit, doar bluit ain wonderland,
rondom ain wondre stad.

Refrein:

Ain pronkjewail in golden raand
is Grönnen, Stad en Ommelaand.
Ain pronkjewail in golden raand
is Stad en Ommelaand!

Doar broest de zee, doar hoelt de wind,
doar soest 't aan diek en wad,
moar rustig waarkt en wuilt het volk,
het volk van Loug en Stad.

Refrein

Doar woont de dege degelkhaaid,
de wille, vast as stoal,
doar vuilt het haart, de tonge sprekt,
in richt- en slichte toal.

Refrein